Намозда дўппи кийиш


Ассалому алайкум ва роҳматуллоҳи ва барокатуҳу!

Устоз, бизнинг ўлкаларда намозда дўппи кийиш кузатилади. Шу нарса суннатда борми? (Саҳиҳ ҳадисларда келганми?), мен тўғрисини айтсам, бирор-бир далил-ҳужжат топа олмадим ва сиздан сўрашга журъат қилдим.

Иккинчи масала шунга ўхшаш. Бу «салла» ҳақида. Бизнинг масжидда фитна чиқишига сал қолди. Имом бир-икки марта салла киймагани учун одамлар таажжубланиб, ғала-ғовур кўтариб ташлашди, лекин «салла кийиб намоз ўқиш керак» деган даъволарига ҳеч бўлмаганда заиф ҳадис келтиришмади. Шу боис, сиздан сўрамоқчиманки, салла кийиб намоз ўқиш суннатда борми ёки бу урф-одатми? Жазакаллоҳу хайрон.
ЖАВОБ: Бисмиллаҳир роҳманир роҳийм.
Набий алайҳиссалом, саҳобалар, тобеъинлар ва ўтган барча улуғлар бош кийим билан намоз ўқиганлар. Бундан бошқа яна қандай ҳужжат керак?! Ҳужжат уни топишни биладиганларга ва ихлос қилганларга топилади. Бош кийимсиз намоз ўқиш, бош кийими киймайдиганларга аралашилгандан кейин, яқинда пайдо бўлди.
Амр ибн Ҳурайс розияллоҳу анҳудан ривоят қилинади:
«Набий соллаллоҳу алайҳи васалламнинг минбарда турганларини кўрдим. Бошларида қора салла, унинг пешини кифтлари орасига тушириб олган эдилар».
Бешовларидан фақат Бухорий ривоят қилмаган.
Бу ҳадисда Расулуллоҳ соллаллоҳу алайҳи васаллам салла ўраб, унинг бир учини орқаларига ташлаб юришлари баён қилинмоқда.
Салланинг қора рангда бўлиши эса шарт эмас. Амр ибн Ҳурайс розияллоҳу анҳу кўрганларида Набий соллаллоҳу алайҳи васаллам иттифоқо шундоқ рангда салла ўраган эканлар. Бошқа ранглар ҳам бўлади. Оқ ранг афзал эканлиги ҳақида ривоятлар бор.
Ибн Умар розияллоҳу анҳудан ривоят қилинади:
«Набий соллаллоҳу алайҳи васаллам қачон салла ўрасалар, пешини кифтлари орасидан тушириб олар эдилар. Нофеъ айтадики:
«Ибн Умар ҳам салласининг пешини кифтлари орасига тушириб юрар эди».
Термизий ривоят қилган.
Бу ҳадис ҳам олдингисини тасдиқлайди ҳамда умматнинг Набий соллаллоҳу алайҳи васалламга бу ишда ҳам иқтидо қилиши кераклигини таъкидлайди.
Жобир розияллоҳу анҳудан ривоят қилинади:
«Пайғамбар соллаллоҳу алайҳи васаллам:
«Салла билан ўқилган икки ракъат намоз салласиз ўқилган етмиш ракъат намоздан яхшидир», – дедилар».
Дайламий ривоят қилган.
Сиз топа олмаган заиф ҳадис ушбудир. Валлоҳу аълам.

 

 

 

 


7 йил аввал 9098 fiqh.uz
Мавзуга оид мақолалар
МАҚОЛА: АҚИЙДА
Ишораи саббоба
Савол: Ишораи саббоба нима? Баъзилар уни: «Катта ҳаром», деб айтганини эшитдим. Баъзилар эса: «Буни қилиш керак, суннат», деб айтишди. Ишораи саббобанинг суннатлигига, қилиш кераклигига давоми...
7 йил аввал 46447 fiqh.uz
МАҚОЛА: АҚИЙДА
Тунлари ёки кунлари узун бўлган жойлардаги намоз
Агар мусофир тунлари ёки кунлари узун бўлган жойларда намоз ўқимоқчи бўлса, шу юртларга яқинда беш вақт намозни адо қилишнинг имкони бўлган юртлар бўлса, ўша юртнинг вақтларида адо қилинади, агар бир намоз билан давоми...
7 йил аввал 10137 fiqh.uz
МАҚОЛА: АҚИЙДА
Қазо намозларни адо этиш шартми?
Савол: Мен 29 ёшимдан бошлаб намоз ўқишни бошладим. Ўн йиллик намозим қазо бўлган. Қазо намозларини қандай адо этай?ЖАВОБ: Бисмиллаҳир Роҳманир Роҳийм Қазо намоз тўғрисидаги масалалар бугунги давоми...
7 йил аввал 35259 fiqh.uz
МАҚОЛА: АҚИЙДА
Намозни қаср қилиш муддати
Киши ўн беш кун ёки ундан ортиқ бир жойда туришни ният қилган бўлса, у муқимга айланади ва унга мусофирлик ҳукмлари жорий бўлмайди.  عَنْ عَبْدِ اللهِ بْنِ عُمَرَ رَضِيَ الله عَنْهُمَا، قَالَ: давоми...
7 йил аввал 7920 fiqh.uz
МАҚОЛА: АҚИЙДА
Қолдирилган витрни ўқиш вожиб
Витр намози вожиб ҳисобланиб, хоҳ сафарда бўлсин, хоҳ ҳазарда бўлсин, уни қолдирган одам қазосини ўқиши вожибдир.  إنَّهُ يَقْضِي وُجُوبًا اتِّفَاقًا «Витрни қазосини ўқиш бил давоми...
7 йил аввал 12500 fiqh.uz