Категория: Майиит

Ўтганларга савобни бағишлаш ва унинг ҳукми

Аллоҳ таолонинг қуйидаги ояти каримасида савоб йўллаш ва маййит ҳаққига дуо қилиш таъкидланган:

وَالَّذِينَ جَاءُوا مِنْ بَعْدِهِمْ يَقُولُونَ رَبَّنَا اغْفِرْ لَنَا وَلِإِخْوَانِنَا الَّذِينَ سَبَقُونَا بِالْإِيمَانِ وَلَا تَجْعَلْ فِي قُلُوبِنَا غِلًّا لِلَّذِينَ آمَنُوا رَبَّنَا إِنَّكَ رَءُوفٌ رَحِيمٌ

“Улардан кейин келганлар: «Эй Роббимиз, бизни ва биздан аввал иймон билан ўтган биродарларимизни мағфират қилгин, қалбимизда иймон келтирганларга нафрат солмагин, эй Роббимиз, албатта, сен шафқатли ва меҳрибонсан», дерлар” (Ҳашр 59 оят).

Категория: Майиит

Марҳумларни йўқлашда мўътадил меъёр

Муқаддима

Пайғамбаримиз Муҳаммад соллаллоҳу алайҳи ва салламнинг умматлари олдинги собиқ умматлардан кўра, энг хайрли умматлардир. Қуръони каримда Аллоҳ таоло биз—уммати муҳаммадиянинг амри-маъруф, наҳий-мункар қилувчилик хусусиятларимизни алоҳида зикр қилиб мақтаган. Шунингдек, муқаддас Ислом дини олдинги динлар ичида энг мўътадил меъёрий дин бўлиб, унинг аҳкомлари ифрот ва тафритдан ҳоли ўртамиёна аҳкомлардир!

Категория: Майиит

Кафанлаш

كَفَنْ - تَّكْفِينُ , яъни «такфин» – «кафан» сўзлари   كَفَّنَ – «каффана» феълидан олинган бўлиб, ўраш, ёпиш маъноларини англатади. Кафанлаш ишлари ҳам фарзи кифоядир. Лекин маййитнинг дафнига лозим бўлган ҳамма сарф-ҳаражатлар унинг ўз молидан бўлади.

Категория: Майиит

Таъзия ва мусибатзадалар

Таъзия билдириш учун афзал вақт маййитни дафн қилиб бўлгандан кейинги вақтдир. Чунки ундан олдин маййит эгалари дафн ишлари билан машғул бўладилар, қолаверса, уларга маййитдан ажраганликларининг ҳисси дафндан кейин кучлироқ сезилади. Бу пайт эса айни сабрга чақириш, бардошли бўлишга ундаш вақтидир. Суннат бўйича, хоҳ дафндан олдин, хоҳ дафндан кейин бир марта таъзия изҳор қилинса бўлди.

Категория: Майиит

Ғассолнинг сифати ва маййитни ювиш

Маййит эркак бўлса, эркак киши, аёл бўлса, аёл киши ювиши керак. Бунга барча уламолар иттифоқ қилганлар. Эркакни аёл киши ёки аксинча, аёлни эркак киши ювиши мумкин эмас. Ҳанафий мазҳаби уламолари: «Киши ўзининг хотинини ҳам ювиши мумкин эмас», дейдилар. Чунки хотини вафот этиши билан ўртадаги никоҳ узилади ва хотин эрига номаҳрамдек бўлиб қолади. Аммо хотин ўз эрини ювиши мумкин. Ҳатто ражъий талоқ(никоҳсиз ярашиш мумкин бўлган талоқ) иддасида ўтирган бўлса ҳам. Чунки у ҳолатда ҳали эр-хотинлик алоқаси узилмаган бўлади.

Категория: Майиит

Дафнга оид савол-жавоблар.

САВОЛ: Хилхона қилиш жоизми?
ЖАВОБ: Ўзининг шахсий мулки бўлган ердан қабр учун жой тайёрлаб олиш, ўзиники қилиб чегаралаш жоиз. Лекин оммага тегишли вақф қилинган қабристондан жой ажратиб олиш, қабр тайёрлатиб қўйиш мумкин эмас.

Категория: Майиит

Қабр зиёрати

«Пайғамбаримиз соллаллоҳу алайҳи васаллам:
“...Бас, у(қабр)ларни зиёрат қилинг. Албатта, улар охиратни эслатади”, дедилар»(Ҳадиснинг тўлиқ матни қуйида келтирилади).
Ушбу ҳадиси шарифда Пайғамбаримиз соллаллоҳу алайҳи васаллам қабрларни зиёрат қилишнинг ҳикматларидан асосийсини эслатиб ўтмоқдалар.

Категория: Майиит

Тобутни кўтариш

Тобутни кўтариб олиб бориш яхшилик, тоат-ибодат ва маййитни иззат-икром қилишдир. Маййит хоҳ эркак бўлсин, хоҳ аёл бўлсин, бу амални эркаклар бажариши кераклигини барча мазҳаб уламолари таъкидлаганлар.
Маййит ювилиб, кафанланганидан сўнг тобутга чалқанчасига ётқизилади. Тобутни тўрт тарафидан кўтариш суннатдир.

Категория: Майиит

Тобут кўтариш тўғрисида

Тобутни тўрт киши бўлиб кўтариш суннатга мувофиқдир. Чунки ибн Масъуд (р.а): “Жанозада иштирок этган кишилар тобутни ҳамма томонидан кўтарсин. Зеро, бу суннатдандир”, деганлар. Абу Дардо(р.а)нинг ҳам тобутни тўрт оёғидан кўтариш суннатлиги ҳақида айтган сўзлари бунинг ёрқин далилидир.

Категория: Майиит

Дафнга оид масалалар

Аввал узунлиги мурда бўйича, эни эса тахминан қоматнинг ярмича бўлган катта айвон ковланади. Қанча чуқур бўлса, шунча яхши, аммо ўрта бўйли одам кўкрагидан паст бўлмаслиги керак. Қибла тарафдан мурда сиғадиган катта тешик